Hiri erditik, udaletxea eta San Jorge eliza ikusteko parada izando
du bidaiariak; sardinsaltzaileen ganibeten zorrozturak eragindako
arraztoak oraindik ageri dira atarietan; honen guztiaren ondoan, "Dorre
Etxe" jauregia aurkituko dugu.

Herriko parkean zuhaitz mota ugari
(batzuk Amerikatik ekarritakoak) ditu Santurtzik; parketik gertu,
geltokiaren atzetik, kaian dagoen Karmen birjinaren monumentura helduko
gara.

Kapitain Mendizabal kaletik segitzen badugu Sardinera pasealeku
ospetsura sartuko gara, non Lucanari-k 1964an eginiko sardineraren
omenezko oroitarria aurkituko dugun. Hemendik, badia ikusteko lekurik
onena topatuko du bidaiariak.

Geure herriak eskaintzen duen paisajea itsasotik ere goza dezake
bidaiariak, "Txinbito" itsasontzian hain zuzen ere. Menditik ere
Santurtziko beste ikuspegia lortuko dugu, Serantes-ko tontorretik
alegia;

Mamariga auzo ospetsutik hasiko dugu igoera eta aintzinako
gaztelu baten aztarnak topatuko ditugu bidean.
Hau guztia kontutan harturik, bidaiariak derrigorrean murgildu beharko
du herri honetako giroetan, bere auzo guztietako jendearen
adiskidetasunaren lekuko zuzena izateko: Mamariga, Kabiezes, El Burgo,
La Txitxarra, Mahastieta, Donibane,...

 

Más info:

> Kale Zerrenda

> Bisita Birtuala
> Bisita Guida
> Eta Gehiago Hemen