Eskualdean ez ezik Bizkaia osoan ere, arrakasta handia lortu dute
Santurtziko jaiek, urtero arrantzal festa honekin batera jendez gainezka
agertzen zaigu herria.
Kapitain Mendizabal kalean antolatzen den ohiko "sardinada"rekin hasten
dira gure herriko jaiak; honen ostean, alaitasuna eta burrunbada izaten
dira nagusi hurrengo hamar egunetan. Aste honetako unerik hunkigarriena
uztailaren 16an suertatzen da; aipatu egunean, txalupa askoz inguraturik
itsasora jotzen du Ama Birjinak, Abra zeharkatu eta itsasoan hil diren
marinel eta arrantzaleen omenez lore eskaintza burutzen da.

Dena den, Santurtziko festarik zaharrena, bere ugazabaren omenez egiten
dena alegia, San Jorge egunean (apirilaren 23an) ospatzen da.
Festekin jarraituz, Bazkoaren lehenengo astelehenean antolatzen den
Kornitesko erromeria dugu; aipaturiko erromeriak Serantesera igotzean
eta txorizo eta arraultzaz betetako ohiko ogia bazkaltzean datza.
Santurtziko auzoetako jaien artean, irailan ospatzen diren Mamarigako
festetara hurbiltzea merezi du.


Laburbilduz, jaia gustuko duen herria dugu Santurtzi; honen froga da
Karmengo jaietan portuko txosnetara, herriko tabernetara eta
antolatutako kontzertuetara ondoratzen den jende andana.